Il discorso del Console Paciàn, la “sinduchessa?”: sciùpadina, la smeja al “spelacchio” Qualche anticipazione sulla Giubiasca di domani sera

VERBANIA – Con il discorso del Console Pacian XXIII al Maggiore, s'aprirà domani sera (ore 21) il carnevale verbanese. Sua eccellenza il Console (al secolo Claudio Loraschi) ci ha generosamente fornito un'anticipazione

«Dùman l’è la Giùbìascia e finalment, a starò insèma ai mè cittadini al teatàr Maggiore. A vegarò a quatr’oeucc la Sinduchessa Marchionini e man dì, che ultimament ,la dòrm mia da neucc e la va sempar al cèss , par la pagùra da cul che g’ha  disarò int’ul mè discùrs da Carnuà. G’ha disarò che a la trovi penad spùmpada ricspet aìi agn passà, quand al’inizi dal‘agn la incuragiava  a…l’aziùn, a la scossa par la città e invece st’agn, a quanto pare al…pancòtt. Lè anca sciùpadina e la smeja al “ spelacchio”. Sarà la cattiveria a cunsciala insì.I dù sò asesùr pussè vècc, la Franzetti e l’Alba ùramai in stràcc e ìi specìan da finì in pressa ul mandato par mandà tùcc a Bagg ;infati st’agn, ìi s’an mia ‘mazzà da laùr. Al Brigatti  asesùr ai laùr ,fin a dèss ù ghè nai tùtt bèn, parchè l’ha fai cul che ìi altar avevan giamò pensà e anca parchè lè un “cocco” da la Sinduchessa e quindi, par ìi altàr questiùn ,la ga pàra ul cù. L’asesùra Sau che la sà vistìs tame la sciùra Fletcher,par i sò cittadini apasiùna da agricultùra ,la g’ha mèt a dispuziùn un terèn a Renc par fa ìi ort; in cambi però, la veur penad verdùra par fa ul minestrùn.Ul dutùr urologo Minocci lè ul neuv asesùr…  anca ai servizi da la farmacia; lè stai numinà da la Marchionini che la pretend :la prevenzione e salute da la prostata dìi sò cittadini e la permanente distribuzione dal Viagra. E peu ,l’asesùra al Bilancio…Vallone, cula che la sovrana Silvia, la g’ha fai vighè la porta pussè da nà volta ma lè ,la va avanti a far di conto e l’ha dì che l’ha diminuì la Tari. Pecà ,che ù sé gnacurgiù nissùn. Povra,…duvresan dagh l’asesurà a la… beatificazione.Vist che st’agn i vari partiti e movimenti cercaràn i cittadini da mèt in lista par i prossim eleziùn cumunai,a g’ha racumandarò da scernai pùlida: cunt na certa cumpetenza,preparaziùn , cultùra e che ìi sapian se ù veur dì,fa pulitigha par ul bèn da la propria città. A Sinduchessa e scagnòzz , a g’ha disarò che ìi g’han anmò un agn da temp, par fa cul che ìi avevan prumès, dopu di che a…  bòcc fèrm, a cùntarem i pùnt. A sto punto, vist che  i mè cittadini che saran setàgiù su quei cadregh terribili e scomùd dul teatàr par cùlpa dal… famùs architet, i cùminciaran a pudegan …PU’,a g’ha disarò che a sto RealMadrid Arroyo a g’ha manderèm mia i …Saluti da Intra ,ma diretament a… DA VIA UL CU’».